القائمة الرئيسية

الصفحات

طلب الفيزا والحساب البنكي أية علاقة ؟

طلب الفيزا والحساب البنكي أية علاقة ؟ 


الناس اللي كتجي تسول
- انا باغي فيزا ، مخدامش،ولكن عندي فالحساب 10 المليون 
- انا طالب الاب ديالي ميمكنش يضمني ولكن غنضمن راسي بالحساب البنكي...
-انا خدام باجرة صغيرة  ولكن الحساب فيه كذا وكذا،

هده الامور كانت قبل سنة 2008 كان الحساب البنكي هو الاساس فالفيزا لكنها تغيرات ولكن العقليات لم تتغير، القنصليات كان عندها صلاحيات الاتصال بالبنوك للتأكد من الحسابات وكانت كتكاشف ان العديد من طالبي الفيزا غير كيتسلفو مبالغ لمدة يوم واحد بين ما تبان فكشف الحساب وكيرجعوها لاصحابها ، وبالتالي كتدخل في اطار التدليس، وبعد ما بنك المغرب منع على الابناك مد القنصليات بمعلومات الزبناء اضطرت هاد الاخيرة لتغيير معاييرها واصبح الاساس فالفيزا هو العمل، الاجرة والاقدمية والاقدمية هي فقط الضمان الاجتماعي او باقي الصناديق الاجتماعية لموظفي الدولة واي اقدمية غير موثقة عند احدى هاد المؤسسات لا تحتسب.

حاليا حتى لو اضفتي مبلغ من المال فحسابك قبل 3 اشهر اي مبايناش عملية الايداع فكشف الحساب راه كيعرفوها بعملية حسابية مبنية على اساس الاقدمية ومقدار المبلغ اللي كتوفر كل شهر من خلال كشف الحساب ديالك 

مثال بسيط:

اجرة 4000 درهم كشف حساب فيه رصيد 50.000 درهم واقدمية 3 سنوات
-كشف الشهر الاول بقات فيه 400 درهم من الاجرة
-كشف الشهر الثاني بقات فيه 500 درهم من الاجرة
-كشف الشهر الثالث بقات فيه 300 درهم من الاجرة
-العملية بسيطة معدل التوفير هنا هو 400 درهم الا ضربناها فثلاثة السنوات (اقدمية موثقة بالضمان الاجتماعي )
غتعطينا معدل توفير 14.400 درهم ومن هنا كيتنتجو انك كنتي كتقوم بنفخ الحساب مرة مرة وخا مبيناش فالكشف لو كان عندك بين 14.000 حتال 20.000 درهم مايكونش مشكل وغتكون امرك واضحة.


تذكير ان المطلوب فالحساب فقط ما يغطي مصاريف السفر اي 100 الى 120 اورو يوميا يعني الا طلبتي 6 ايام والحساب فيه 8000 درهم فقط راه مبلغ كافي وكل ماكان الحساب واقعي كيقوي الملف وكل ماكان منفوخ كيضعف الملف واللي مازال كيجي قبل الموعد ويحط فلوس غير يتسنى الرفض سبب 8 وينسا الفيزا ثلاث سنوات لان التدليس كيعرضك لنقط كثيرة كتنقص من الملف الجاي الا ناوي تدفع.
هل اعجبك الموضوع :

تعليقات